memorie
L'uartu spertu 'i Giuseppi Rubertu
- Dettagli
- Spigolature
L'uartu spertu 'i Giuseppi Rubertu
di Francesco Gaspare Lascala
St'uartu u canusciu
'I quand'era mmurvinu,
Citrola e cucuzzialli
Ad unu ad unu.
I pumaduari
Shu bberi prufhissuri,
E nsema
A pipi a cori e mulingiani
Cuntanu fhatti veri
E nno vajani!
Quandu u patruni parra
Stanu ad aricchji tisi
E mparanu a storia
D'u paisi.
Na nsalata 'i chist'uartu
Amici mia
Vali chhjiù di
Na 'nciclopedìa.
Tuttu cci pua chjantari
D'i rapi alla patata
Fhorc' a Fhilosofhia
Ca llà cc'e' ssempri stata.
*Ragazzi, l'orto di Giuseppe è una rara icona moderna di sobrietà e saggezza. Seguiamo il suo esempio.
In data 12 aprile 2018, ore 18:41